TÜRK
شهیدلر اولمز اورمیه بولونمز.şəhıdlər ölməz urmu bölünməz
نوشته شده در تاریخ پنجشنبه 29 دی 1390 توسط آیتام aytam اورمولو urmulu | نظرات ()

آب   سو  دئییل
بولاغلاری بولاندیران
یاد تیکانین کوللاندیران
گولوموزو سولدوراندیر
باغیمیزی قوروداندیر
ترس آخیشی ائویمیزی ییخان سئل دیر
یئرسیز سسی کوفولدایان قارا یئل دیر

اوخوللاردا " نان " دئیلن

جننت آذربایجان یازلیغیندان
پیشیریلن  چورک دئیل
قارا داغین تاخیلیندان
برکتلی اکمک دئیل
دردیمیزی درینله دن
بیزلیگی بیزده اریدن
تولکو یادین یالادیغی یئییلمزدیر
او   نان   بیزه گوج وئرمزدیر

اوخوللاردا " خاک " دئیلن

دوغما  آنا تورپاق دئیل
مین ایللرین قالادیغی
یانار قوتسال اوجاق دئییل
اؤزگه لیگین یاسدیغی دیر
یادین یادلیغین سسی دیر
کوله لیگین سیمگه سیدیر

بو اوخوللار بو یووالار

بیزدن دئیل 
بیزیم دئیل
واراق واراق قوندارمادیر
یازی یازی  اویدورمادیر
یالانلارلا دولدورمادیر
کوکوموزدن اوزاقلاشماق اوداغیدیر
یادلاشماغین  دوزاغیدیر  
خاک اکیلمز  ، نان یئیلمز ،  آب  ایچیلمز
آنا دیلیم دئییشیلمز                      

                                                           

اسماعیل جمیل


برچسب ها: تورکجه شعر، آنا دیلی شعری، شعر ترکی، ترکی شعر، شعر آذری، آنا دیلی، تورک دیلی،
نوشته شده در تاریخ سه شنبه 27 دی 1390 توسط آیتام aytam اورمولو urmulu | نظرات ()
http://up.tractorfc.com/images/867_.jpg

گئجه گؤردوم کوچه ده بیر جوان اوغلان  ییخیلیب!

خبر آلدیم دئدیلر کئفلی دیر چوخدان ییخیلیب!!

یادا قوش بازدی چیخیب قوش توتا دامدان ییخیلیب!!


بیری قیشقیردی دئدی یوخ یوخ یولداشا خاطیر ییخیلیب



برچسب ها: شعر، شعر ترکی، تورکو شعر، آذری شعر، تورکجه شعر،
نوشته شده در تاریخ یکشنبه 25 دی 1390 توسط آیتام aytam اورمولو urmulu | نظرات ()
http://up.tractorfc.com/images/1123009241_b.jpg

بیر سؤزومله اوره یینه توخوندوم

یالواردیغیم سؤزلریمه باغیشلا

ایسته ییرسن گل دیلیمدن آس آنجاق

سنی سئون گؤزلریمه باغیشلا

هارا گئتسه ، سیزه طرف یول آلان

یالنیز سنین آتشینه قالانان

ائوینیزه پروانه تک دولانان

ناخیش ناخیش ایزلریمه باغیشلا

اؤزون یازدین اوره ییمه آدینی

سن گؤستردین محببتین دادینی

اینجیک لیین آتشی نی اودونو

کوله دؤنموش گؤزلریمه باغیشلا.باغیشلا...
Ağırdır sevmələrim hər ürək daşıya bilməz, böyükdür ümidlərim hər çiyin qaldıra bilməz, hər şey olar da bu ürəyim, bir tək sənsiz ola bilməz


Bir gün məndən soruşacaqsan, mənimi yoxsa həyatı mı daha çox sevirsən deyə. həyatı deyəcəyəm, küsüb gedəcəksən amma heç bir zaman bilməyəcəksən ki mənim həyatım sənsən





ادامه مطلب
برچسب ها: تورکو شعرلر، شعر ترکی، آذری شعرلر، تورکجه شعرلر، سئوگی شعری، سئوگی، شعر، AZƏRİ ŞEİR، تورکجه شعر، TÜRKCƏ ŞEİR،
نوشته شده در تاریخ جمعه 2 دی 1390 توسط آیتام aytam اورمولو urmulu | نظرات ()
                              http://www.irupload.ir/images/bz6awhmw8jqab6n8rsaq.jpg
                              اورمولو بهرام اسدی
                       
   جان آذربایجان

 سن بیزیم ابدی دیاریمیزسان

یاناریق سن دئسن یان آذربایجان

 قویماریق اجنبی، خاینی بیر گؤز

تورپاغینا باخا یان آذربایجان

 

 ایكینی سایانا قوشونون یوزو

دولدورار دره ‏نی، آرانی، دوزو

 قوش قونماز داغلاردا گئجه-گوندوزو

اوردولارین وئرر سان آذربایجان

 

 بیر زامان بزه‏ گین بزه‏ گه دوشدو

بیر زامان گؤز یاشین گؤزه ‏یه دوشدو

 بیر زامان آدیندان لرزه‏ یه دوشدو

خوتكار ایله پاشا، خان آذربایجان

 

 آیاغینا بوخوو وورولسا هاچاق

اولادین چئینه‏ ییب اونو قیراجاق

 داماریمیزداكی قان فیشقیراجاق

تؤكریك اوغرونا قان آذربایجان

 

 شاعرین سیغماییر نه‏ دن پوستوندا

بئله شن دولانیر سینه‏ ن اوستونده

 چونكی بیر دیارسان سنه دوستون دا

دوشمنین ده دئییر جان آذربایجان .

                 latincə

ادامه مطلب:ardında
برچسب ها: بهرام اسدی، آذربایجان شعری، اورمولو بهرام اسدی، بهرام اسدی شعرلری، تورکجه شعر، شعر ترکی، تورکو شعر، azərbaycan، bəhram əsədi،
نوشته شده در تاریخ سه شنبه 29 آذر 1390 توسط آیتام aytam اورمولو urmulu | نظرات ()
http://www.irupload.ir/images/ohxnq4yb4scge4gh5p05.jpg

قیزیلا بلنمیش آنا تورپاغیم

دوغما دیاریملا فخر ائدیرم من

 

بو آنا تورپاغا اؤولاد اولماغیم

نورلو ساباحیملا فخر ائدیرم من

 

الی برکتلی چورگی پایلی

آنام ائللریمدی هایلی هارایلی


شعریم بایاتیم وار قوشمام قرایلیم

سری ثروتیمله فخر ائدیرم من

 

اؤلو اورمونون بیر بالاسیام

ائلیمین محبت عشق قالاسیام


تورکم تورک لوگون بیر داملاسیام

شرفلی آدیملا فخر ائدیرم من

 سؤزلر نازیلادان نت اوچون حاضیرلایان آیتام اورمولو




برچسب ها: شعر ترکی، شعر های آذری، تورکجه شعرلر، تورکی شعر، تورکو شعر،
نوشته شده در تاریخ شنبه 19 آذر 1390 توسط آیتام aytam اورمولو urmulu | نظرات ()
گلیبسن اوستومه خام خیال ایله
فیکر ائتمه الینده اؤله جی یه م من
باخ بیر یاتانلاریم بیر بیر اویانیر
دامجیام سئله دونه جی یه م من

حاققیمی آلاجام اؤلن دئیلم
ظولمون قارشیسیندا چئتین ائیللم(خم)
پولادام من داشا چئتین یئیلله م
یئیه نین انگینی بوله جی یه م من

مین ایل سنه اوتدوم حوکوم تاختیندا
رحم ائتدیم کسمه دیم دیلیوی واختیندا
سن آلچاق گوجله نیب یاخیب یاخدین دا
بو دونه کوکونو یولاجی یام من

گوونمه کی منی زوردان سالیبسان
بئش اون یالتاق ایچیمیزدن الیبسان
ساتقینلار گوجو ایله آز اوجالیبسان
ساتقینین دا ایشین بیله جی یه م من

دئمه بو یوردون قانانی یوخدور
آلیشیب اؤدونا یانانی چوخدور
هر بیر یازیچینین قلمی اوخدور
قلبینی اوخ تکین دله جی یه م من

او گئدن قودرتیم اله گله جک
گله جک یوزومه یئنه گوله جک
ائلیم ،دیلیم ، وطنیم لاب یوکسه له جک
ائلین شن گونونده گوله جی یه م من

سؤزلر علی بی"
نئت اوچون حاضیرلایان آیتام اورمولو



برچسب ها: شعر ترکی، شعر های آذری، تورکی شعر، تورکو شعر، تورکجه شعر، شعر، شعر آذری، آیتام، آیتام اورمولو، اورمولو،
نوشته شده در تاریخ جمعه 11 آذر 1390 توسط آیتام aytam اورمولو urmulu | نظرات ()

من کی شاخسی گدیریخ سندن اؤتور ، سنده بیر چیخ قاپیا مندن اؤتور

 

بو حوسین یاخچی اؤلوب بیر بلگه ،  اؤن10 گئجه بیزده دولاننیق بیرگه

 جهلیله فیرلانیری بو اولکه ، گئزیب آدین قویاریق دیندن اؤتور

گل کی شاخسی گئدیرم سندن اؤتور، نوحه خاندا قیشقیریر گل آی باجی،شور طبلین سنه وار احتیاجی،بیلینیر دسته لرین دای آماجی،یوخ گئدن شاخسی بو حوسیندن اؤتور،تکجه شاخسی گئدیرم سندن اؤتور،

گئدیریک چارراها یئتیر اؤزوو،تیلفون پول سالیری یولدا دئیرسن سؤزووو،

دسته لر دالغالاریندا ایتیرنده ایزیوی،یئریوی یاز اس ام اس عمدن اؤتور ،منده شاخسی گئدیرم سندن اؤتور

گر بابان سالسا سنی اوز یانیجان،بیر قدر آیاق ساخلا گئد دالیجان،من تپیک قوپسویورم سنده دء جان،زیلده قورخسان سسیوی بمدن اؤتور،گل کی شاخسی گئدیرم سندن اؤتور

طبل نی ده چالیریق هر هاوانی،تازا بیر ماهنی چیخار تئز اؤ آنی، نوحه خان نوحه دئیر اؤ هاوانی ،آخی ماهواره اوخور جمدن اؤتور،منده شاخسی گئدیرم سندن اؤتور،

بیزه نه حوسین ظولمه قارشی دوروب،بیزه نه تورک دیلینه ظولم اولوب،

بیزه نه آج چوخدور یا جیبی دولو،سن اؤزه تئللرینه دن دن اوتور،منده شاخسی گئدیرم سندن اوتور

نه اوچون توولاییرام بو آغاجی؟ نه سیاستدی چوخالیر رواجی؟

بو ایشین هاردان اولاجاق علاجی،هی موجوویز وئریلیر چنددن اوتور ،گل کی شاخسی گئدیرم سندن اؤتور

خیاواندا اوجالیر گؤر نئجه هااااااای ،گئجه یاری سن اؤزون قیزلاری سای ،

آیریلارکن دء الیوله بای بای،ال اؤپوشومه جواب گئندن اؤتور ،گل کی شاخسی گئدیرم سندن اؤتور

قاییداندا ایکیمیز بیرگه گله ک ،دال کوچه تاپساق اگر بیزده اوپوشک!

شاخسی آدلا یاخشی بیر کئف ده سورک

آخی یارانمادیق بیز تک غمدن اؤتور،گل کی شاخسی گئدیرم سندن اؤتور

گلمه سن یانگینان سن اؤز هالیوا،وار باخام شوخ سینیه هم دالینا،

فورست واردی شیللاق آتما ایقبالینا،بولوتوث قیزلار آتیر مندن اؤتور ، منده شاخسی گئدیرم سندن اؤتور

گل دوشونمکله اولوب خلق یاناشی، دا بیلیرلر حوسین نیه وئرب باشی

دوشونمک ایستیر حوسین نه گؤز یاشی!

دوشونمک ایستیر حوسین نه گؤز یاشی!

یوخ گئدن شاخسی بو حوسین حسندن اؤتور،

تکجه شاخسی گئدیرم سندن اؤتور

گل کی شاخسی گئدیرم سندن اؤتور


سؤزلر علی بی" نئت اوچون حاضیرلایان آیتام اورمولو




برچسب ها: نوحه های ترکی، شعر، تورکو شعر، شعر ترکی، ماهنی، آیتام اورمولو،
نوشته شده در تاریخ چهارشنبه 9 آذر 1390 توسط آیتام aytam اورمولو urmulu | نظرات ()

http://www.upsara.com/images/uday9jsgjk2jhrgxx85c.jpg

انسان اوغلو یالانچیا یار اولما

یالانچی لار صداقتی نه بیلیر ؟

یا دوست توتما یادا دوستو اونوتما

دوستو ساتان شرافتی نه بیلیر؟

 

عاقل انسان گؤردویوندن قازانار

بوگونون دوشونر صاباحین قانار

حیا مانع اولار انسان اوتانار

حیاسیزلار قباحتی نه بیلیر؟

 

فیکیرسیز دانیشان نه گلدی دئیه ر

خلقی آلچاق بیلر اؤزونو اؤیر

قوی یه دیننمز عاجزی دؤیر

قورخاق تولکو شجاعتی نه بیلیر؟

 

دده کاتیب درده درماندان دانیش

بیر درد بیلن بیرده لقماندان دانیش

سن عدالت پیشه سولطان دان دانیش

بیرتیجی قورد عدالتی نه بیلیر؟




برچسب ها: شعر ترکی، تورکو شعر، دده کاتب، شعر های دده کاتب، حاج عبالرحمن طیار، قولونجی،
نوشته شده در تاریخ سه شنبه 8 آذر 1390 توسط آیتام aytam اورمولو urmulu | نظرات ()

 Su atdim yara deydi


elim divara deydi


dilim agzim qurusun


ne dedim yara deydi

ay qiz qurbnanin olam


Ay qiz heyranin ollam


gedersen yola sallam


qalarsan qadan allam

baga girdim uzume


Tikan batdi dizime


Eyildim cixartmaga


Yar sataşdi gözümə

ay qiz qurbnanin olam


Ay qiz heyranin ollam


gedersen yola sallam


qalarsan qadan allam


Akif İslamzadə


برچسب ها: Akif İslamzadə، تورکجه شعر، شعر، اذری شعر، تورکو شعرلر، شعر ترکی، ماهنی،
نوشته شده در تاریخ سه شنبه 1 آذر 1390 توسط آیتام aytam اورمولو urmulu | نظرات ()
http://www.pic.iran-forum.ir/images/a2i03zu8ihe95u44boe.jpg

بیر یانیندان نازلی چایی نازلی نازلی آخار گدر

آراسیندان شهر چایی شارلدایار شاخار گدر

یای گلینجه شور گؤلونده دینجلر جانیم اورمو

دورد بیر یانین قارلی داغلار آلمالی ، اوزوملو باغلار

خان دره سی جوشار چاغلار گوینونا ائللری چاغلار

قیش گلینجه سیر داغیندا آچیلار کونلوم اورمو

آتدیم آتدیم قاریش قاریش قورخماز ایگیدلر اوباسی

اوره ییمی سویوخ ساخلا تورکون آلینماز قالاسی

ایگیدلرین گؤز قیرتمادان چکر کئشیگین اورمو

دوغما آذربایجانیمین پاریلدایان اولدوزوسان

یاغیلارین کور گؤزونه سانجیلان تیکان سان اوخسان

یاشا یاشا ائل لرینده آند آچیق ، آزاد اورمو

ایگیدلرین گؤز قیرتمادان چکر کشیگین اورمو ائویم ائشیگیم

اورمو

یاشاسین آراز بی"




برچسب ها: شعر ترکی، شعر آذری، شعر برای ارومیه، اورمیه اوچون شعر، تورکو شعر، تورکجه شعر، یاشاسین، آراز،
نوشته شده در تاریخ یکشنبه 29 آبان 1390 توسط آیتام aytam اورمولو urmulu | نظرات ()

http://www.pic.iran-forum.ir/images/8ktbfgij3uf97rd8cv2.jpg

گئدیردیم پادیگانا آنام باجیم آغلادی

خیردا باجیم قولوما خیردا  قورآن باغلادی

 

آنا جان،آنا جان بو پادگان سالدی آیاخدان منی

یاخیندان گؤره نمیسن گؤر بیر اوزاقدان منی

 

آنا گئل تعریف ائدیم پادیگانین آشیندان

دویوسوندن یاغیندان اوچ یوز گیرم دانشیندان

 

دلی شیطان دئیری وور آشپازین باشیندان

آناجان بو پادیگان سالدی آیاخدان منی

یاخیندان گؤره نمیسن گؤر بیر اوزاقدان منی

 

سحری سوبدن بیزی اویاتدیلار

سوبحانه عوضینه میدانی قاچیتدیلار

 

افسرین سیللی سی قورببانین کوته گی

آنا جان بو پادگان سالدی آیاخدان منی

یاخیندان گؤره نمیسن گؤر بیر اوزاقدان منی


عکس : اورمیه امام خیاوانی (آیتام اورمولو)




برچسب ها: آنا، شعر، تورکو شعرلر، تورکجه شعر، شعر ترکی، آیتام اورمولو،
نوشته شده در تاریخ جمعه 6 آبان 1390 توسط آیتام aytam اورمولو urmulu | نظرات ()
سو دئییب دیر آنام اولده منه آب کی یوخ

                         یوخو اویرتدی اوشاقلیقدا منه خواب کی یوخ
 

ایلک دفعه کی چورک وئردی منه نان دئمه دی
                
                         اولیندن  منه دوزدانه  نمکدان  دئمدی
 

آنام اختر دئمه ییبدیر منه اولدوز دئیب او
                  
                          سو دوناندا دئمه ییب یخدی بالا بوز دئییب او


قار دئیب برف دئمه ییب دست دئمه ییب ال دئیب او

                          منه هئچ واخت بیا سویله مه ییب گل دئیب او


یاخشی خاطیرلایرام یاز گونو اخشام چاغیلار
 
                         باغچانین گون باتانینداکی ایلیق گون یاییلار


گل دئیردی داراییم باشیوی ای نازلی بالام

                          گلمه سن گر باجینین استاجا زولفون دارارام


او دئمه زدی کی بیا شانه زنم بر سر تو
                         
                         گر نیایی بزنم شانه سر خواهر تو


بلی داش یاغسادا گویدن سن اوسان منده بویام
                
                          وار سنین  باشقا آنان واردی منیم باشقا آنام


اوزومه مخصوص اولان باشقا ائلیم واردی منیم

                         ائلیمه مخصوص اولان باشقا دیلیم واردی منیم


ایسته سن قارداش اولاق بیر یاشایاق بیر لیک ائده ک
           
                          وئریب ان قول قولا بوندان سورا بیر یولدا گئده ک


اولا اوزگه کولک لره گرک اخمایاسان
         
                          ثانیا وار لیغیما خالقیما خور باخمایاسان


یوخسا گر زور دئیه سن ملتیمی خوار ائده سن

                          گون گلر صفحه دونر مجبور اولارسان ... گئده سن 



برچسب ها: شعر ترکی، تورکی شعر، تورکجه شعرلر،
نوشته شده در تاریخ پنجشنبه 5 آبان 1390 توسط آیتام aytam اورمولو urmulu | نظرات ()

بسله نیر قلبیمده سونسوز حؤرمت آذربایجانا

ایسترم دونیادا من حریت آذربایجانا


سانمایین اؤز یوردومون اسرارینا بیگانه یم


من اونون سودای عشقیندن بوجور دیوانه یم


شمعه بنزر ،دؤوره سینده فیرلانان پروانه یم


قویمارام اصلا قویولسون منت آذربایجانا


شاعیرم بیر بولبولم من آشیانیم دیر وطن


سیرگاهیم دیر افقلر ، خوابگاهیم دیر چمن


چؤلده بیتمیش لاله لر،داغلاردا آچمیش یاسمن


هر بیری وئرمیش یئنه بیر زینت آذربایجانا


من خیانت ائتمه دیم مرحوم اولان اجدادیما


ارث تک وئردیم بو یوردو قهرمان ائولادیما

حفظ ائدیب بو اؤلکه نی باش ایمه سین جلادیما


اونلارین آوازی وئرسین شهرت آذربایجانا




برچسب ها: شعر ترکی، تورکجه شعر، ماهنی،
نوشته شده در تاریخ یکشنبه 1 آبان 1390 توسط آیتام aytam اورمولو urmulu | نظرات ()

بیر گؤیرچین کیمی دنسیزله میشم

بولبولم، یازدا چمن سیـــزله میشم

                                             اسکی دن شانلی،شرفلی ائل ایدیم

                                            ظالمه قارشــی آمانسیز ســـئل ایدیم

                                            ذیروه سی چنلی، دومانلی بئل ایدیم

                                            ایندی، مدتدی کی چنسیزله میشــم

مـــنده اردمـــلی ارنلـــر یـاشامیش            

ســتارا، بابــکه تنـــلر یــاشــامـیش           

او قــدر ائلـــجه بیلنلر یـاشـامـــیش         

ایندی من ارسیز، ارنسیزله میشم 

                                          دردیمین یـــوخ آدی، عنوانی دئسم

                                           حـــیرته دالــدیرار اینســانی، دئسم

                                           باشقا بیر سوزله بو معنانی دئسم

                                          اؤز دیـــاریمدا وطــن ســیزله میشـم

درد منــــــــی یاندیریر،اما اودو یوخ   

اودور، آغزیـــمدا حیاتین دادی یوخ      

دئمیرم دردلــــــر ایچینده آدی یوخ          

دئییرم:من بئله منسیزله میشم           

                                      ای منیـــم منلیگــیم، امــــــدادیما یئت!

                                         بیرجه گل، منله قووش، دادیــــــما یئت!

                                         منــــی بــاس باغرینــا، فریــــادیما یئت!

                                        بیلمیسن کی، نئجه سـنسیزله میشم





برچسب ها: شعر ترکی، تورکو شعر، شعر،
نوشته شده در تاریخ سه شنبه 26 مهر 1390 توسط آیتام aytam اورمولو urmulu | نظرات ()

دردیمــه درمــانیم اولسانــدا مــنیم                     سنــی سومیجـــم سومیجـــم مــن


عــشقیمه هـمدمیم اولسانــدامـنیم          سنــی سِومیجــم سِومیجــم مَــن


دونیــا محــــورینـده اینـان داغیلسا                        بــو دونیا بیــر سنه بیــر منه قــالسا


اونــدادا ســـن مـنه گَرَک دِییل سن             سنــی سِومیجـــم سِومیجـــم مـن


سیـــنم ورم اولسا جــــان یاتاغیندا                           ســـن طبیب حـــیاتیم اَلینده اولسا


عــزرائیل جــانیمی آلان چــاغینـدا                          سَنــی سِومیجـــم سِومیجـــم مــن


ایــنان مـــزاریمــی زیارت اتـــسَن           قبریمین اوستونده گـوز یاشی توکسَن


جــهنم اودومــی جنَّت ســه اتـسن                           سنــی سِومیجــم سِومیجَـــم مــن





برچسب ها: شعر ترکی، تورکجه شعر، شعر، شعر تورکی، شعر تورکو،
(تعداد کل صفحات:2)      [ 1 ]   [ 2 ]  
درباره وبلاگ
بو منیم وطنیم، بو منیم ائلیم
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطن­دیر بیر آن آتمارام
آنامین قانی­دیر آخان قولومدا
دؤیوشه گئده­ رم وطن یولوندا
قوربان­دیر بو خالقا بو یوردا جانیم
باشی اوجا یاشاسین آذربایجانیم
...........................................
West Azerbaijan province in northwestern Iran
And the second largest province, that their language is Turkish
...........................................
HE WHO CALL HIMSELF A TURK
موضوعات
آخرین مطالب
نویسندگان
آرشیو مطالب
پیوند ها
پیوندهای روزانه
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
كل مطالب : عدد
آخرین بازدید :
آخرین بروز رسانی :
. . ... .......... .. .. Yahoo bot last visit powered by MyPagerank.Net.. ..free counters ... Share .... ..




..Future Google PR for canimurmia.mihanblog.com - 3.42




تمام حقوق این وبلاگ و مطالب آن متعلق به صاحب آن می باشد.

ابزار وبمستر

عکس

دانلود

خرید vpn

قالب وبلاگ

..

آپلود عكس

آپلود عكس

.. Related Posts Plugin for WordPress, Blogger... ..
شبکه اجتماعی فارسی کلوب | Buy Website Traffic | Buy Targeted Website Traffic