TÜRK
شهیدلر اولمز اورمیه بولونمز.şəhıdlər ölməz urmu bölünməz
http://up.vatandownload.com/images/tdwpw6uk5vgfho6i4kfx.jpg

طالعیـــــــــــــــــــــــــــــمه سن باخ
دوشونجه‌لریـــــــــــــــــــــم یاساق
کئچمیشیم‌دن سؤز آچماغیم یاساق
آتا بابامی آدین چئکمه‌ییم یـــــاساق
آنامدان آد آپارماغیم یـــــــــــــاساق
بابا دییاریـــــــــــــــــــــــــــــم ایسه
پیتراق پیتراق بیلیـــــــــــــــــــرسن
دوغـــــــــــــــــــــــــــــــــــولاندا بئله
اؤزوم بیــــــــــــــــــــــلمییه بیلمییه
دانیشماغیم دا یاساق ایشیم یاساق

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سو"دئییبدیر منه اولده،آنام آب کی،یوخ

                              "یوخو"اویرتدی اوشاقلیقدامنه،خواب کی،یوخ

ایلک دفعه کی،"چورک"وئردی منه نان دئمه دی

                               ازلیندن منه "دوزدانه"، نمکدان  دئمه دی

آنام ،اختر دئمه یبدیرمنه،"اولدوز "دئییب او

                               سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

                               منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

                                 باغچانین گون باتانیندا کی،ایلیق گون یاییلار

گل:-دئیه ردی،-داراییم باشیوی ای نازلی بالام!

                                 گلمه سن گر،باجیوین آستاجا زولفون دارارام

او دئمه زدی کی ،-بیا شانه زنم بر سر تو

                                 گر نیایی بزنم شانه سر خواهر تو

بلی،داش یاغسادا گویدن،سن او سان من ده بویام

                                 وار سنین باشقا آنان،واردی منیم باشقا آنام

اوزومه مخصوص اولان باشقا ائلیم واردی منیم

                               ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشایاق،بیرلیک ائدک

                                وئریبن قول-قولا،بوندان سورا بیر یولدا گئدک

اولا،اوزگه کولک لرله گرک آخمایاسان

                                ثانیا،وارلیغیما،خالقیما خور باخمایاسان

یوخسا گر زور دئیه سن ملتیمی خوار ائده سن

                               گون گلر،صفحه چونر،مجبور اولارسان گئده سن  شعر:پروفسوردوکتور محمد تقی زهتابی

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

آنا گولدور٬ بیر گون سولار 
آنا دیـــــــلى شیرین اولار                 

بیزیم تــــوركو شیرین دیلدیر     
خوش صدالى٬ زنگین دیلدیر  

دیل گونشدیر٬ ایشیق ساچار 
آزادلیــــــــــــــــــغا قاپى آچار                      

 یادین دیـــــــــلى بویوندوروق            
 بیر گئچیــــددیر بوروق بوروق    

بویوندوروق خالقى بوغــــــار      
گئچیدلرده قولدور سویـــــــار       

قوى یـــادلاشسین سئناتورلار   
خالقى سویــان تاجیر٬ توججار      

یالتاق شاعیــــر یولون آزسین      
تكجه فارسى غزل یــــازسین

حبیب ساحیر




برچسب ها: روز جهانی زبان مادری، آنا دیلی گونو، آنا دیلی، زبان مادری، آنادیلی شعری، حبیب ساحر، پروفسوردوکتور محمد تقی زهتابی، زهتابی، شعر،
نوشته شده در تاریخ پنجشنبه 29 دی 1390 توسط آیتام aytam اورمولو urmulu | نظرات ()
                                                   آنا دیلی گونو روز زبان مادری


برچسب ها: آنا دیلی، زبان مادری، آنا دیلی گونو،
نوشته شده در تاریخ پنجشنبه 29 دی 1390 توسط آیتام aytam اورمولو urmulu | نظرات ()
                                                                   آنا دیلی زبان مادری


برچسب ها: زبان مادری، آنا دیلی،
نوشته شده در تاریخ یکشنبه 3 مهر 1390 توسط آیتام aytam اورمولو urmulu | نظرات ()


نویسنده : رضا الله قلی پور ; ساعت 23:48 روز شنبه 2 مهر1390

آیا باز دل می تپد زشادی؟!

یادش به خیر زمانی صبح بود اول مهر دل می تپید ز شادی!  ... حالا چی؟ ... صبح است سوم مهر ...

 

پی نوشت:

باز کودکان آذربایجانی مهر دیگری را آغاز کردند که خبری از تحصیل به زبان مادریشان نیست. چیزی که اصل ۱۵ قانون اساسی می گوید که باید باشد!!




برچسب ها: آنادیلی، زبان مادری، تورک دیلی،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()
            آنا دیلیم-آنادیلیم

یازینین آردینی اوخویون..


ادامه مطلب
برچسب ها: آنادیلیم، زبان مادری، شعر ترکی، تورکجه شعر، آنادیلی شعری،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()
                              آنا  دیلی

یازینین آردینی اوخویون..


ادامه مطلب
برچسب ها: آنا دیلی، زبان مادری، تورک دیلی، بختیار وهابزاده، آنا،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()

 

کئچه‌جه‌ییم دانیلیر، اونودولور

                گلجه‌ییم تاپدالانیر

      دیلک‌لریم قوولور

      گؤزلریم باغلانیر

      دیلیم کسیلیر

آلنیم‌دا

      پان تورک

            آذری

            تجزیه طلب

                  اراذل، اوباش

                            دامغاسی

آنا وطن

      آنا دیلی

            آزادلیق

                  گئت ها گئت

                        سؤزلوک‌لردن سیلینیر 

قورخ ها قورخ یارادیر

            قورخودور

                  ایشکنجه‌لردن

                        حاققی سؤیله‌ینی 

یـــــــوخ

    سکوتی قبول ائده‌مم

                  «دینسم اؤلدورولر

                              دینمسم اؤلورم»

هارای چکه‌جه‌یم

      قانیمین سون داملاسینا دک



برچسب ها: اول مهر، زبان مادری، تورک، ترک،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()

اول مهر

 

بوگون مهرین اول گونویدور.مدرسه لرین آچیلیش گونو.سوینچ و حوزن له

برابر یاشادیغیمیز گون.

سوینچ، چونکی یولداشلاری گورمک گونودور.علم یولونو داوام ائتمه ک

گونودور.حوزن،چونکی «سو» دئیدییمیز  گوزل کلمه نی مجبوروز «آب »

یازیب اوخویاق.نیه گره ک بیر ملت اوز اوشاقلارینی آیری دیله یازیب

دانیشماقا مجبور ائله یه؟ دوزدو کی من چوخدان داها مدرسه یه

گئتمیره م،اما هر ایل بوگون ،بو حوزنو و حسرتی باشکا اوز وطنینده

اسارت ده یاشیان ملتلر کیمین حس ائلیره م. و تمام وجودومنان

قورتولوش گونون گوزلوره م.

نیه گره ک30 میلیون تورک ایراندا اوز آتابابا یوردلاریندا اوز آنادیلینده یازیب

اوخوماخدان محروم اولسونلار؟

آیا بو اینسانی دیر؟آیا بو قرانین یازدیقلارینان کی اینسانلاری برابر بیلیر

مخالف دئیل؟

30 یاشیم اولدو اما بیرگون، حتی بیر دقیقه ،مدرسه ده یا دانشگاهدا

تورکو یازیب اوخوماقی اورگشمه دیم.30 یاشیم اولدو آنادیلیمه بیر

رسمی نامه یازمادیم.

همیشه تاریخ کیتابلارینین یازدیقی یالانلار،ایرانین تمام تاریخینی یالان

هخامنشی امپراطورلوغونا محدود ائتماقدان نفرت ائله دیم وهئچ زامان

یالانلارینا اینانمادیم.تاریخ وادبیات کیتابلاریندا تورک لری حذف ائله مه یه

حسرت چکدیم. بیزیم میلتیمیزی تحقیر ائله دیلر سوسدوم.بیز کی

ایرانین ان قدیم مللتلرینده نیخ بیگانه و وحشی و غاصب ساییلدیخ.اما

هخامنش لر کی یهودیلرین مزدورلاریمیش لار وبیگانه، ایرانین اصلی

ساکنلری گورستیلدیلر.

تمام موزه لرده باخدیم کی هامی تاریخلر هخامنشه ختم اولور.نیه؟

اونلاردان قاباخ ایراندا هئچ اینسان یاشامیردی؟ یاشیردی و او ملت

بیزیخ.و هله ده یاشیریخ وهئچ زامان دیلیمیزی یاددان

چیخارتمادیق.یاساق اولدوخ اما یاشادیق .و ایندی ده یاشیریق.اما

حسرت بیزیمله یاشییر.

گلین اوز حقلریمیزی تانییاق و ایناناق.و اونلاری آلماقا چالیشاق.آنا

دیلیمیزین مدرسه لرده رسمی لشدیرمه سینه زحمت چکه ک.

اوز هویت وتاریخیمیزده ن صاحاب چیخاق.یوخسا آیریلاری اونلاری

صاحابلاناجاخلار.گوزل وطنیمیز کیمین.بو میراثین قدرین بیلمه لییق.

چالیشمالییق.

.............

آیدین گونلر گله جک.




برچسب ها: مهر ماه، زبان مادری، تورک دیلینده مدرسه، اول مهر روز مرگم،
نوشته شده در تاریخ جمعه 25 شهریور 1390 توسط آیتام aytam اورمولو urmulu | نظرات ()
                        تورک اوشاغی فارس مدرسه سینده!

     مدرسه ده موعللیم   یئنه دویدو الیمدن     باجار مادیم فارسینی 

           ایراد توتدودیلیمدن!

        دئدیم : آغا موعللیم      وورما ، گوینه دی الیم        نه دیر آخی گوناهیم

           تورکودورمنیم دیلیم

        یا پیشدی قولاغیمدان دئدی : بوراخ تورکونو      اوقالدی ائوینیزده

          اونوت گئتسین کو کونو

      اؤ یره نمه سن  آب -  بابا    آچاجاقسان الینی کو تک یئیه ندن سونرا

           اونودارسان دیلینی

      سنین هاران تورکدور؟ آذریسن ، آذری       کیم او یره دیبدیر سنه

         بئله یانلیش سؤ زلری؟

     آخدی گؤزومون یاشی    تیتره دی دیل -  دوداغیم  بئله یالان سؤزلره

         اینانمادی قولاغیم

     آنام منی اویدورماز   آتام منی آلداتما ز   بو سؤزلرین هئچ بیری

          منیم عاغلیما باتما ز

       نییه منیم آدیمی   سوروشما ییراؤزومدن    نییه سؤزون دوزونو

            اوخوماییرگؤزومد ن

      هرکس یالان دانیشسا    آلاهین دوشمانی دیر  من کی یالان دئمیرم

            بو اونون یالانی دیر

            لایلای دئیبدیرآنام منه بئشیکده تورکو   دانیشمیشق هامیمیز

                ائوده ائشیکده تورکو

           نه دن گئرک یازمایاق   دیلیمیزی کیتابا    مدرسه ده نه اوچون

                   گلمه یک بیز حسابا ؟

          یقین کوتک یئمزدیم   اوخو سایدیم دیلیمی    گینرتی سیخمازدیم

                   قولتو غوما الیمی

        قوی بو یویوم بیر اوزوم   اولاجاغا م موعللیم   اوندا چوخ ایش گؤره جک

             بوگون گوینه ین الیم

         کیلاسیمدان گله جک   ائلیمیزین اؤز سسی  اولاجاقدیر او زمان  

  تورکون ده مدرسه سی




برچسب ها: تورک، اوشاق، تورکو دور منیم دیلیم، تورک دیلی، آذربایجان، اورمیه، ارومیه، اورمو، دریاچه ارومیه، زبان مادری،
درباره وبلاگ
بو منیم وطنیم، بو منیم ائلیم
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطن­دیر بیر آن آتمارام
آنامین قانی­دیر آخان قولومدا
دؤیوشه گئده­ رم وطن یولوندا
قوربان­دیر بو خالقا بو یوردا جانیم
باشی اوجا یاشاسین آذربایجانیم
...........................................
West Azerbaijan province in northwestern Iran
And the second largest province, that their language is Turkish
...........................................
HE WHO CALL HIMSELF A TURK
موضوعات
آخرین مطالب
نویسندگان
آرشیو مطالب
پیوند ها
پیوندهای روزانه
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
كل مطالب : عدد
آخرین بازدید :
آخرین بروز رسانی :
. . ... .......... .. .. Yahoo bot last visit powered by MyPagerank.Net.. ..free counters ... Share .... ..




..Future Google PR for canimurmia.mihanblog.com - 3.42




تمام حقوق این وبلاگ و مطالب آن متعلق به صاحب آن می باشد.

ابزار وبمستر

عکس

دانلود

خرید vpn

قالب وبلاگ

..

آپلود عكس

آپلود عكس

.. Related Posts Plugin for WordPress, Blogger... ..
شبکه اجتماعی فارسی کلوب | Buy Website Traffic