TÜRK
شهیدلر اولمز اورمیه بولونمز.şəhıdlər ölməz urmu bölünməz
نوشته شده در تاریخ جمعه 2 دی 1390 توسط آیتام aytam اورمولو urmulu | نظرات ()

http://www.irupload.ir/images/v1g48q7spr635021qm2d.jpg

               تورکم

تورکم نه دئسن آز اولار آزاده لیگیمده ن

ائللرده دوشوب سس یئنه دیلداده لیگیمده ن

بیرگوزگویه بنظر اوره گیم ساده یم امما

هرنه چکیره م من چکیره م ساده لیگیمده ن

حرییتیمین درسینه بابک اولوب اوستاد

باشیم اوجادیر بیرده کی اؤفتاده لیگیمده ن

«شیدا» بیزیم ائللرده نه چوخ باقرو ستار

دوشمان چکینیر هرزمان آماده لیگیمده ن

تورک ائللرینین ایندی اؤمیدی بیزیک آنجاق

قوی درس آلا دونیاهامی «سرداده» لیگیمده ن




برچسب ها: عباس حسین پور، تورکی شعر، ترکی شعر، شعر، تورکجه شعر، شعر آذری، یحیی شیدا،
نوشته شده در تاریخ سه شنبه 29 آذر 1390 توسط آیتام aytam اورمولو urmulu | نظرات ()

ای آغالار گلین سیزه سویله ییم        اوچ یوز آتمیش پارا کندی اورمونون

هر اؤلکه ده شهرتی وار بحثی وار       گؤزل هنرلری فندی اورمونون

 

بکشلو- برادوست – زیوه ماحالی       نازلی چای – باراندوز – روضه صفالی

شور دنیزی خسته لره شفالی              گزمک اوچون واردی بندی اورمونون

 

چول تره سی اوغلان اوتو قازیاغی       صفالی دیر بوستانچی نین چارداغی

سوت قاتیغی بال خاماسی قایماغی          شهرتی وار بیرده قندی اورمونون

 

سلیمان اورمویا بیر دم قیش گلیر       بیر دم یئللر اسیر قار یاغیش گلیر

باشین قار آلاندا ایلی خوش گلیر       اطرافیندا داغ کمندی اورمونون

                                                               سلیمان هاشم زاده




برچسب ها: سلیمان هاشم زاده، تورکو شعر، ترکی شعر، شعر، تورکی شعر، تورکجه شعر، شعر آذری،
نوشته شده در تاریخ سه شنبه 29 آذر 1390 توسط آیتام aytam اورمولو urmulu | نظرات ()
http://www.irupload.ir/images/ohxnq4yb4scge4gh5p05.jpg

قیزیلا بلنمیش آنا تورپاغیم

دوغما دیاریملا فخر ائدیرم من

 

بو آنا تورپاغا اؤولاد اولماغیم

نورلو ساباحیملا فخر ائدیرم من

 

الی برکتلی چورگی پایلی

آنام ائللریمدی هایلی هارایلی


شعریم بایاتیم وار قوشمام قرایلیم

سری ثروتیمله فخر ائدیرم من

 

اؤلو اورمونون بیر بالاسیام

ائلیمین محبت عشق قالاسیام


تورکم تورک لوگون بیر داملاسیام

شرفلی آدیملا فخر ائدیرم من

 سؤزلر نازیلادان نت اوچون حاضیرلایان آیتام اورمولو




برچسب ها: شعر ترکی، شعر های آذری، تورکجه شعرلر، تورکی شعر، تورکو شعر،
نوشته شده در تاریخ شنبه 19 آذر 1390 توسط آیتام aytam اورمولو urmulu | نظرات ()
گلیبسن اوستومه خام خیال ایله
فیکر ائتمه الینده اؤله جی یه م من
باخ بیر یاتانلاریم بیر بیر اویانیر
دامجیام سئله دونه جی یه م من

حاققیمی آلاجام اؤلن دئیلم
ظولمون قارشیسیندا چئتین ائیللم(خم)
پولادام من داشا چئتین یئیلله م
یئیه نین انگینی بوله جی یه م من

مین ایل سنه اوتدوم حوکوم تاختیندا
رحم ائتدیم کسمه دیم دیلیوی واختیندا
سن آلچاق گوجله نیب یاخیب یاخدین دا
بو دونه کوکونو یولاجی یام من

گوونمه کی منی زوردان سالیبسان
بئش اون یالتاق ایچیمیزدن الیبسان
ساتقینلار گوجو ایله آز اوجالیبسان
ساتقینین دا ایشین بیله جی یه م من

دئمه بو یوردون قانانی یوخدور
آلیشیب اؤدونا یانانی چوخدور
هر بیر یازیچینین قلمی اوخدور
قلبینی اوخ تکین دله جی یه م من

او گئدن قودرتیم اله گله جک
گله جک یوزومه یئنه گوله جک
ائلیم ،دیلیم ، وطنیم لاب یوکسه له جک
ائلین شن گونونده گوله جی یه م من

سؤزلر علی بی"
نئت اوچون حاضیرلایان آیتام اورمولو



برچسب ها: شعر ترکی، شعر های آذری، تورکی شعر، تورکو شعر، تورکجه شعر، شعر، شعر آذری، آیتام، آیتام اورمولو، اورمولو،
نوشته شده در تاریخ دوشنبه 30 آبان 1390 توسط آیتام aytam اورمولو urmulu | نظرات ()
یازینین آردیندا (ادامه مطلب)گوزل تورکجه بیر شعر وار حتمن اوخویون







ادامه مطلب:آردیندا
برچسب ها: شعر تورکی، تورکجه شعر، تورکی شعر، شعر آذری، آیهان ملكانلی،
نوشته شده در تاریخ جمعه 6 آبان 1390 توسط آیتام aytam اورمولو urmulu | نظرات ()
سو دئییب دیر آنام اولده منه آب کی یوخ

                         یوخو اویرتدی اوشاقلیقدا منه خواب کی یوخ
 

ایلک دفعه کی چورک وئردی منه نان دئمه دی
                
                         اولیندن  منه دوزدانه  نمکدان  دئمدی
 

آنام اختر دئمه ییبدیر منه اولدوز دئیب او
                  
                          سو دوناندا دئمه ییب یخدی بالا بوز دئییب او


قار دئیب برف دئمه ییب دست دئمه ییب ال دئیب او

                          منه هئچ واخت بیا سویله مه ییب گل دئیب او


یاخشی خاطیرلایرام یاز گونو اخشام چاغیلار
 
                         باغچانین گون باتانینداکی ایلیق گون یاییلار


گل دئیردی داراییم باشیوی ای نازلی بالام

                          گلمه سن گر باجینین استاجا زولفون دارارام


او دئمه زدی کی بیا شانه زنم بر سر تو
                         
                         گر نیایی بزنم شانه سر خواهر تو


بلی داش یاغسادا گویدن سن اوسان منده بویام
                
                          وار سنین  باشقا آنان واردی منیم باشقا آنام


اوزومه مخصوص اولان باشقا ائلیم واردی منیم

                         ائلیمه مخصوص اولان باشقا دیلیم واردی منیم


ایسته سن قارداش اولاق بیر یاشایاق بیر لیک ائده ک
           
                          وئریب ان قول قولا بوندان سورا بیر یولدا گئده ک


اولا اوزگه کولک لره گرک اخمایاسان
         
                          ثانیا وار لیغیما خالقیما خور باخمایاسان


یوخسا گر زور دئیه سن ملتیمی خوار ائده سن

                          گون گلر صفحه دونر مجبور اولارسان ... گئده سن 



برچسب ها: شعر ترکی، تورکی شعر، تورکجه شعرلر،
نوشته شده در تاریخ یکشنبه 1 آبان 1390 توسط آیتام aytam اورمولو urmulu | نظرات ()
اولدوز لار آسیلدی یئنه اولموش گئجه یاری
آی چیخمادا سالمیش یادیما نازلی نیگاری

چیخماز بیلی ره م آی کیمی رخساری یادیمدان
صبریله چیخاردینجا داها باشدا آغاری

عشقین قره گونلرله بئجردیم من ازلده ن
سینه مده دئمه بسله مییشم جانیله ماری

جان قیمیتینه عشقینی آلدیم او پری نین
افسوس کی اوجوز گوردی قیزیشدیقجا بازاری

جسمسمده وفا قان اولالی آخدی داماردان
خنجر آلیبان او قارا تئل قیردی داماری

بیر ذره وفا گور مه دی کونلوم او گوزه لده ن
یاغدیردی طبیعت ده قارا ساچیما قاری

کال میوه دی عشقیم هله قوپماز ساپاقیندان
باخسان کی یئمیش لرده سارالدیقجا قیزاری

منده بو قماری هله لیق عشقه اوتوزدوم
گئت دی گیرووا جاندا اوتوزدوقجا قماری

آسان سایبان بو یانار عشقی نه بیلیم کی
صنعان کیمی شیخین ده آلار عقلین آپاری

باخ گور حالیما! گوللی چیچکلی (باهاریدیم)
نینیم قره گونلردی ائدیب رنگیمی ساری



برچسب ها: تورکجه شعر، تورکی شعر، تورکو شعر، شعر،

گلمیسن جانیم سنه قربان اولا، ایندی نییه؟

دوشموشم الدن داها، ای بیوفا ایندی نییه؟

نوشداروسن،فقط سهراب اؤلوب گئج گلمیسن

ائیله مز تاثیر اونا هئچ بیر داوا، ایندی نییه؟

گنج ایدیم لذت آلیردین نازنینیم ظلمده ن

ائیله ییرسن سؤیله کی،جوور-جفا ایندی نییه؟

بیر شیرین صحبت اوچون ایدیم اؤنونده قددیمی

زهر تک وئردین جاواب فرهادینا ایندی نییه؟

ای قارا هیجران الیندن بیرجه دم گؤز یوممادیم

بختیمی سن توتموسان هئی لای لایا ایندی نیه؟

آسمان ائتدی پریشان، حالیمی زار ائیله دی

قالدیریبدیر قهر ایله مین بیر بلا ایندی نییه؟

سن کی گول هیجرینده طبعیم قوش کیمی خاموش ایدی

سالمیسان عالملره شوری نوا ایندی نییه؟

یارسیز ای شهریاریم گئتمز ایدین هئچ یانا

ائتمیسن عادت نده ن تنهالیغا ایندی نییه؟




برچسب ها: شعر های استاد شهریار، تورکجه شعر، تورکو شعر، تورکی شعر،
درباره وبلاگ
بو منیم وطنیم، بو منیم ائلیم
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطن­دیر بیر آن آتمارام
آنامین قانی­دیر آخان قولومدا
دؤیوشه گئده­ رم وطن یولوندا
قوربان­دیر بو خالقا بو یوردا جانیم
باشی اوجا یاشاسین آذربایجانیم
...........................................
West Azerbaijan province in northwestern Iran
And the second largest province, that their language is Turkish
...........................................
HE WHO CALL HIMSELF A TURK
موضوعات
آخرین مطالب
نویسندگان
آرشیو مطالب
پیوند ها
پیوندهای روزانه
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
كل مطالب : عدد
آخرین بازدید :
آخرین بروز رسانی :
. . ... .......... .. .. Yahoo bot last visit powered by MyPagerank.Net.. ..free counters ... Share .... ..




..Future Google PR for canimurmia.mihanblog.com - 3.42




تمام حقوق این وبلاگ و مطالب آن متعلق به صاحب آن می باشد.

ابزار وبمستر

عکس

دانلود

خرید vpn

قالب وبلاگ

..

آپلود عكس

آپلود عكس

.. Related Posts Plugin for WordPress, Blogger... ..
شبکه اجتماعی فارسی کلوب | Buy Website Traffic | Buy Targeted Website Traffic