TÜRK
شهیدلر اولمز اورمیه بولونمز.şəhıdlər ölməz urmu bölünməz
نوشته شده در تاریخ دوشنبه 11 مهر 1390 توسط آیتام aytam اورمولو urmulu | نظرات ()

گوردون گوزه لیم  گوزگو نهایت ده داش اولدو

باشلار ایاق اولماق دا ایاق دوندو باش اولدو

گوزده ن کیمی ائل آتدی  گئدیب غیره ال اولجاق

گوزده ن نه فقط دوشمه دی  گوز اوسته قاش اولدو

ایل لر بویو گوددوک قورویان آرخا سوگلسین

سو گلمه دی آنجاق کی گولوف لرده یاش اولدو

قارداش  قاراداش دان آشاقی  بولگو  بولنده

قانلی دویوشون حان بازاریندا داداش اولدو

بیر سورمه لی گوز قالمیش ایدی پاخلا گوزون ده

گوز دگدی اوبیچاره یه  گوز چیخدی ماش اولدو

ایش دوندو چراغ سوندو سماده ن قیر الندی

اول گون کی قویون قوردولا (عاصم )هاماش اولدو




برچسب ها: شعرهای ترکی، تورکجه شعرلر، ماهنی لار،
نوشته شده در تاریخ دوشنبه 11 مهر 1390 توسط آیتام aytam اورمولو urmulu | نظرات ()

الیمدن هرنه واریم گئتدی گوردوم

یانیمدان نازلی یاریم گئتدی گوردوم

غمیندن قاره گیمیشدی زمانه

قان آغلیردی دیاریم گئتدی گوردوم


یوموبدی گوزلرین اصلا اویانمیر

بو گوزلر گوزلریندن هیچ دویانمیر

ندن منسیز گئدیر بیر آن دایانمیر

داها صبریم قراریم گئتدی گوردوم

 

غمیندن باغچالاردا سولدو گوللر

سارالدی گورنه پرپر اولدی گوللر

گلیب افغانه زولفون یولدو گوللر

خزان اولدو بهاریم گئتدی گوردوم

 

او گئتدی گویده سوسدو یئرده سوسدو

قلم قان آغلادی دفترده سوسدو

اورکده دوزمدی بو درده سوسدو

الیمدن ایختیاریم گئتدی گوردوم

 

بساطین قورسادا فصل زمستان

گلنده هریئر اولموشدو گولستان

گئدنده سوسدو جومله باغ و بستان

چوخالدی آه و زاریم گئتدی گوردوم

 

سوروردوک عمری بیز شاد و خرامان

بیزی شن گورمگه قیسقاندی دوران

قارا یئل اسدی ویران اولدی هریان

منیم دارو نداریم گئتدی گوردوم


شاعیر : قادیر بابائی




برچسب ها: شعرهای ترکی، تورکجه شعرلر، ماهنی،
نوشته شده در تاریخ پنجشنبه 7 مهر 1390 توسط آیتام aytam اورمولو urmulu | نظرات ()

دوغوم گونون موبارک

ایللر اونجه بو گونده ، فیرلاندی چرخی فلک

گؤندردی تانری یئره ، بیر نازلی دوزلو ملک

گونش اوزلو اینجه بئل ، شیرین سؤزلو اوزون تئل

گؤزللر  مارالی دیر ، بو آهو گؤزلو گؤیچک

معصوم باخیشلارینلا ، تیترتدین قلبیمی سن

دوغوم گونون بیرتانم ، اولسون سنه موبارک

بوجور گؤزل بیر گونده ، تقدیم ائدیرم سنه

سئوگی دولو هدیه ، بیرده کی قیرمیز چیچک

شاد گونلرین چوخ اولسون ، دردین غمین یوخ اولسون

سنی چوخ سئودییمدن ، توتدوم بوجور خوش دیلک

تک وارلیغیمسان ای جان ، اولوم سنه من قوربان

سنین خوشبخت اولمانی ، ایستر بو عاشیق اورک

شاعر وحید شکرزاده




برچسب ها: تورکجه شعرلر، شعرهای ترکی، ماهنی، شعر،
نوشته شده در تاریخ پنجشنبه 7 مهر 1390 توسط آیتام aytam اورمولو urmulu | نظرات ()

سنسیز گونلریم

ایکی گؤزوم تلفونوما باخا باخا قالیب دیر

قوی کی باخیم بلکه یاریم بیر اس ام اس آتیب دیر

گؤتورورم تلفونومو مین بیر آرزو اومیدله

آما اوندا "یوخدور یئنی بیر اس ام اس" یازیب دیر

یول گئدیرم وای ائله بیل تلفونوم زنگ چالیر

تئز باخیرام هئچ کیمسه یوخ اورک یالنیش سانیب دیر

گئجه گلیب یاردان خبر آلمامیشام بوگون ده

گؤزله ییرم یوخدور خبر ساعات اوچه چاتیب دیر

هوش توتوب دور بیر اس ام اس سسیله من اویاندیم

اوخویورام بیر یولداشیم منی اله سالیب دیر

اینانیرسان بویله کئچیر سنسیز گولوم گونلریم

قاییتگینان هیجرین منی یاندیریب دیر یاخیب دیر

شاعیر : وحید شکرزاده




برچسب ها: شعرهای ترکی، تورکجه شعرلر، شعر، ماهنی،
نوشته شده در تاریخ پنجشنبه 7 مهر 1390 توسط آیتام aytam اورمولو urmulu | نظرات ()
اونوتولماز

سنین عشقین منه جاندیر بیلیرسن جان اونوتولماز

یارادان بویله یارادمیش منه جانان اونوتولماز

قلبیمین سولطانی سنسن باشقالار خیدمته گلمیش

هامیسین سیلدیم اورکدن آما سولطان اونوتولماز

گؤزلریمده اورییمده تکجه سنسن چونکو هئچ واخت

او کامان قاش اوخ باخیشلی دلی جیران اونوتولماز

او گوزل خاطیره لردی او شیرین سؤزلریمیزدی

کئچسه مین ایلده اونون اوستونه هیجران اونوتولماز

او حقیقی او یالانسیز اورییمده قاینایان عشق

سنی بیلمم آما منده حتی بیر آن اونوتولماز

اونوتامام سنی جانا اینان اولماز نئجه کی یار

اورییمده آنا یوردوم آذربایجان اونوتولماز

شاعیر : وحید شکرزاده




برچسب ها: تورکجه شعرلر، شعرهای ترکی، ماهنی، شعر،
نوشته شده در تاریخ جمعه 1 مهر 1390 توسط آیتام aytam اورمولو urmulu | نظرات ()
گوزل بیر شعر عرب دونیاسی آدیله اوستاد بهرام اسدی دن.

یازینین آردینی اوخویون(ادامه مطلب)


ادامه مطلب
برچسب ها: بهرام اسدی، شعر های ترکی، تورکو شعرلر، تورکجه شعرلر، ماهنی، شعر،
نوشته شده در تاریخ پنجشنبه 31 شهریور 1390 توسط آیتام aytam اورمولو urmulu | نظرات ()
  دوشموشم

 سئوگیلیم، بیر رحم ائله، من هر نه واردان دوشموشم

باخ سنین اوغروندا یاریم، انتظاردان دوشموشم

 قول-قانادی سینمیش ای دلدار، بیر دوشگون قوشام

بنزه‏رم بیر دورنایا سانكی قاتاردان دوشموشم

 سنسیز اولدوقدا منه یوخدور وئرن ائلده دگر

بیر سینیق تاجر كیمی باخ اعتباردان دوشموشم

 سنلن اولدوقدا كوشولداردیم ده‏لی سئللر كیمی

اورمو دریاسی تكین دای شارهاشاردان دوشموشم

 سندن آیری گؤر نه‏لر اولدو منه، گول اوزلو یار؟

بیر خزان وورموش باغام، گوللو باهاردان دوشموشم

 ایسته ‏سن بیلمك نه‏ یه بنزر گونوم، عؤمروم منیم

بارلی بیر باغچایمیشام سا ایندی باردان دوشموشم.

بهرام اسدی




برچسب ها: شعر، تورکو شعرلر، تورکجه شعر، ماهنی، بهرام اسدی، شعرهای ترکی،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()

 قالخیب شاهداغینا سؤز ایسته ییرم، 

  چاتسین های- هاراییم دینله ینلره. 

  من نانکور دئییرم، ناجینس دئییرم 

  اؤز آنا دیلینی بیلمه ینلره! 

    

  بو دیل شیرینلیکده شربت کیمیدیر، 

  صافلیغی قورونان سرحد کیمیدیر، 

  آنامیز وطن ده قوربت کیمیدیر 

  اؤز آنا دیلینی بیلمه ینلره! 

    

  دؤیوشده برکیییب ائل پولاد اولور، 

  زیروه یه اوچماغا  دیل قاناد اولور، 

  تورپاغین سئوینجی، دردی یاد اولور 

  اؤز آنا دیلینی بیلمه ینلره! 




برچسب ها: آنادیلی، تورک دیلی، تورکجه شعر، شعرهای ترکی، ماهنی،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()

بیر گون اسیر دوشموش بیر قهرمانی 

  سورغویا، سوالا چکنده جللاد: 

  - سیزین الینیزده اؤلمرم! - دئدی، - 

  منی زامان- زامان یاشادار حیات. 

  دئدیلر: - گؤزونو اویاریق سنین، 

  گؤره بیلمزسن. 

  دئدی: - یاشارام! 

  دئدیلر: - قولونو قیراریق سنین، 

  سیلاحین، کسرین دوشر الیندن. 

  دئدی: - یاشارام! 

  دئدیلر: - قیچینا کونده ووراریق، 

  گزه بیلمزسن. 

  باشیندا ائله بیر تونقال قالاریق 

  دؤزه بیلمزسن. 

  دئدی: - یاشارام! 

  دئدیلر: - نیین وار آپاراریق بیز،  

  بیر ده کئچمیشینه دؤنه بیلمزسن. 

  دئدی: - یاشارام! 

  دئدیلر: - دیلینی قوپاراریق بیز، 

  دانیشا بیلمزسن، دینه بیلمزسن. 

  سوسدو قهرمان، 

  نه یاشارام دئدی، نه اؤللم دئدی. 

  سؤیله دی: - نه بیلسن ائله، ائی جللاد. 

  دیوان سنیندیر، 

  دؤوران سنیندیر… 




برچسب ها: تورک دیلی، آنا دیلی، شعرترکی، تورکجه شعرلر، ماهنی، تورک،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()
بیز واریق وارسا وطن وارایسه دوغما دیلیمیز

اؤیره نیب بیلمه لیدیر    اؤز دیلینی ائللریمیز

آنا تک جاندان عزیزدیر  آنا تورپاق   آنا دیل

حورمتین ساخلا یاشارکن   آنالار قدرینی بیل

وطنین کیملیگیدیر   وارلیغینین    داش تملی

کیملیگین بایراغیدیر هر بالانین  دوغما دیلی

آنا دیلدیر بزه ین   دویغولارین     اویلاغینی

سوسله ین آرزیلاری سئوگی سئوینجین باغینی

بولبول اؤز دوغما دیلیله گوله سؤیلر سؤزونو

هر گول اؤز رایحه سیله  تانیدار  اؤز اؤزونو

آنا دیلدیر داشییان لایلالارین      جان دادینی

آنا دیلدیر یاشادان   ائولادینین        اؤز آدینی

آنا دیلدیر ائلینین تاریخی         آیدین تانیغی

یوردونون اؤلکه سینین آیناسی سؤنمز چراغی

آنا دیلده آنانین سئوگیسی عطری  دادی وار

آنا دیلده    وطنین  شانلی شرفلی    آدی  وار



برچسب ها: آنادیل، زبان ترکی، شعر ترکی، تورکجه شعرلر، شعر تورک، شعر، ماهنی،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()
آخــــی بیــزیـم دیلیمیـز وار

نـــدن بئـلـه لاللاشیـریق ؟

ادامه مطلب یازینین آردی


ادامه مطلب
برچسب ها: تورکجه شعر، شعرهای ترکی، ماهنی، آنادیلیم، تورک دیلی، شعر،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()
            آنا دیلیم-آنادیلیم

یازینین آردینی اوخویون..


ادامه مطلب
برچسب ها: آنادیلیم، زبان مادری، شعر ترکی، تورکجه شعر، آنادیلی شعری،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()
                              آنا  دیلی

یازینین آردینی اوخویون..


ادامه مطلب
برچسب ها: آنا دیلی، زبان مادری، تورک دیلی، بختیار وهابزاده، آنا،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()

 

کئچه‌جه‌ییم دانیلیر، اونودولور

                گلجه‌ییم تاپدالانیر

      دیلک‌لریم قوولور

      گؤزلریم باغلانیر

      دیلیم کسیلیر

آلنیم‌دا

      پان تورک

            آذری

            تجزیه طلب

                  اراذل، اوباش

                            دامغاسی

آنا وطن

      آنا دیلی

            آزادلیق

                  گئت ها گئت

                        سؤزلوک‌لردن سیلینیر 

قورخ ها قورخ یارادیر

            قورخودور

                  ایشکنجه‌لردن

                        حاققی سؤیله‌ینی 

یـــــــوخ

    سکوتی قبول ائده‌مم

                  «دینسم اؤلدورولر

                              دینمسم اؤلورم»

هارای چکه‌جه‌یم

      قانیمین سون داملاسینا دک



برچسب ها: اول مهر، زبان مادری، تورک، ترک،
نوشته شده در تاریخ چهارشنبه 30 شهریور 1390 توسط آیتام aytam اورمولو urmulu | نظرات ()

خبر وئرین ائلله ره،

دوشسون هامی دیلله ره،

اورمو گؤلو گؤز دیکیب،

مدد وئره ن ال له ره.

گل ایناناق سئوگی یه،

قارداشلیغا بیرلی یه،

بیزده ن یاردیم ایسته ییر،

آزربایجان اورمیه.

من آشیق آی اولایدیم،

بیر سولو چای اولاردیم،

آشیب، داشیب داغلاری،

گه لیب سنه دولاردیم.

خالقیمین دوزلو گؤلو!

گؤرمه یک سنی اؤلو،

قویوب، گئدیب، بوراخما،

بیزه قورو بیر گؤلو

بو دردی کیمه یازام؟

اوز یوردومدا یالقیزام،

ائشیدیرسن سن منی؟

بو گونلر چوخ سوسوزام.

هارای لار آی هارای لار!

دولانار ایللر – آیلار،

من سوسوزام، هارداسیز؟

سویو گتیرین چایلار!

بیلمه لیسیز سیز بونو!

گلمز گولومون سونو،

بو کیچیک اللریمله،

قورتاراجام، من اونو




برچسب ها: بایاتیلار، شعر، اورمو گؤلو، شعر برای دریاچه ارومیه،
(تعداد کل صفحات:8)      [ ... ]   [ 3 ]   [ 4 ]   [ 5 ]   [ 6 ]   [ 7 ]   [ 8 ]  
درباره وبلاگ
بو منیم وطنیم، بو منیم ائلیم
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطن­دیر بیر آن آتمارام
آنامین قانی­دیر آخان قولومدا
دؤیوشه گئده­ رم وطن یولوندا
قوربان­دیر بو خالقا بو یوردا جانیم
باشی اوجا یاشاسین آذربایجانیم
...........................................
West Azerbaijan province in northwestern Iran
And the second largest province, that their language is Turkish
...........................................
HE WHO CALL HIMSELF A TURK
موضوعات
آخرین مطالب
نویسندگان
آرشیو مطالب
پیوند ها
پیوندهای روزانه
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
كل مطالب : عدد
آخرین بازدید :
آخرین بروز رسانی :
. . ... .......... .. .. Yahoo bot last visit powered by MyPagerank.Net.. ..free counters ... Share .... ..




..Future Google PR for canimurmia.mihanblog.com - 3.42




تمام حقوق این وبلاگ و مطالب آن متعلق به صاحب آن می باشد.

ابزار وبمستر

عکس

دانلود

خرید vpn

قالب وبلاگ

..

آپلود عكس

آپلود عكس

.. Related Posts Plugin for WordPress, Blogger... ..
ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو