TÜRK
شهیدلر اولمز اورمیه بولونمز.şəhıdlər ölməz urmu bölünməz
نوشته شده در تاریخ یکشنبه 22 آبان 1390 توسط آیتام aytam اورمولو urmulu | نظرات ()

http://www.pic.iran-forum.ir/images/4gl8ki17zrqit2bhz3o.jpg
بیری وار ایدی بیری یوْخ ایدی. آللاهدان ساوای کیمسه یوْخ ایدی. بیر کیشی‌نین اوچ اوْغلو ملیک احمد، ملیک محمد، ملیک جمشید آدیندا و اوچ قیزی وار ایدی کی، اوْنلاری دئوزادلارا اره وئرمیشدی. بیر گون کیشی اوْغلانلارینا دئدی من اؤلنده منی میندیرین دوه‌یه هر یاندا دوه سیدیک آتسا منی اوْردا قویلایـین. بیر ده اوچ گئجه بؤیوکدن کیچیییه منیم قبریمه نیگهبانلیق وئرین. بیر موددت کئچدی کیشی دونیادان گئتدی بونو اؤزو دئین کیمی دوه‌یه میندیردیلر بیر موددت یوْل گئتدیلر بیر یئرده دوه سیدیک آتدی کیشی‌نی دوه‌دن اندیریب اوْردا قویلادیلار. گئجه اوْلدو اوّل ملیک احمد نیگهبان قالدی آما یاری گئجه یوخولادی. ملیک جمشید گلدی گؤردو ملیک احمد یاتیب آما بیر دنه آغ دئو گلیر. دئو گلدی چاتدی. ملیک جمشیده دئدی: آی آدام‌زاد سیز آتانیزی نییه گتیریبسیز منیم یوردومدا قویلاییبسیز؟

ملیک جمشید دئدی: دای قانشارا گلمه وورارام اؤلرسن.(یازینین آردین اوخویون ادامه مطلب)


دئو سؤزه باخمادی گلدی. ملیک جمشید قیلینج ایله ووردو دئو اؤلدو. دئوین لیباسلارین چیخارتدی آتین مینیب گتیردی بیر آیری یئرده گیزلتدی. اوْندان سوْنراکی گئجه ملیک محمدین نؤوبه‌سی ایدی نیگهبانلیق وئرسین. گئتدی قبرین یانینا گئجه ملیک جمشید گئتدی گؤردو ملیک محمد یاتیب بیر دنه قارا دئو گلیر. دئو گلدی چاتدی ملک جمشیده. ملیک جمشید دئدی دای قانشارا گلمه وورارام اؤلرسن دئو باخمادی گلدی. ملیک جمشید ووردو بو دئو ده اؤلدو. لیباسلارین چیخارتدی آتین مینیب گتیردی همن‌کی یئرده گیزلتدی. آخیر گئجه اؤز نؤوبه‌سی اوْلدو چون بیلیردی دئولر گئجه یاریسیندان اوْ یانا گلیر اوّل یاتدی. گئجه یاریسی دوردو بیر موددت‌دن سوْنرا گؤردو بیر قیرمیزی دئو گلیر. ملیک جمشید دئوه دئدی یاخینا گلمه. دئو باخمادی گلدی. ملیک جمشید ووردو بونو دا اؤلدوردو. لیباسلارین چیخاردیب آتین مینیب گتیردی اوْ بیریسی‌لرین یانیندا گیزلتدی.

بونلارین اؤلکه‌سینده اوچ باجی‌نین دریانـین آراسیندا ائولری واریدی. قیزلار شهرین اهلینه دئمیشدی: هر کس دریادان کئچه اوْنون آراسیندا تره‌زی‌نین ایچینده آتین قمچی‌سی ایله آلمانی ایکی بؤله بیز اوْنلارا گئده‌جه‌ییک.

ملیک جمشیدین قارداشلاری بو سؤزو ائشیدیب یوْلا دوشدولر. ملیک جمشید ده یالاندان بونلارین دالییجا آغلادی بونودا آپارالار. قارداشلاری دئدی: سن بیزدن اوشاقسان سن اوْردا آیاق آلتدا اؤلرسن- آپارمادیلار. آمما ملیک جمشید گئدیب گیزلتدییی آغ کوْت- شالواری گئییب آغ آتی مینیب گلدی قارداشلارینی دا یوْلدا کئچدی. اوْنلار دا هئچ بونو تانیمادی. بیر قمچی ووردو سویو کئچدی بیر قمچی ده ووروب آلمانی تره‌زی‌نین ایچینده ایکی بؤلدو. بؤیوک قیزی گؤتوروب گتیردی. همن‌کی یئرده گیزلتدی. گلدی ائوه قارداشلارینا دئدی نه اوْلدو؟ قارداشلاری دئدی: بیر آغ آتلی گلدی بیزه ماجال وئرمه‌دی.

ملیک احمد ایله، ملیک محمد صوبح تئزدن یوْلا دوشدولر. ملیک جمشید یئنه دئدی بونو آپارمادیلار. آمما بونلاردان سوْنرا گئدیب قارا کوْت- شالواری گئییب قارا آتی میندی یوْلا دوشدو. یئنه کئچن یوْل کیمی آرا قیزی گتیریب گیزلتدی. گئجه ملیک احمد، ملیک محمد ایله قرار قوردو صوبح لاپ تئزدن یوخودان دوروب یوْلا دوشدولر. آمما بو دفه ملیک جمشید قیرمیزی کوْت -شالواری گئییب قیرمیزی آتی مینیب گئتدی. کیچیک قیزی دا گتیردی گیزلتدی. جاماعات هامیسی حئیران قالمیشدی. قارداشلاری دا گلدی ائوه. ملیک جمشید دئدی اوْ قیزلارین اوچون ده من گتیردیم. بؤیوک قیز ملیک احمدین، آرا قیز ملیک محمدین، کیچیک قیز دا منیم. آمما من یامان یوْرغونام سیز نیگهبانلیق وئرین من بیر آز یاتیرام. ملیک جمشید یاتدی اوچ ساققاللی کؤسسه گلدی ملیک احمدین، ملیک محمدین قوْللارین باغلادی ملیک جمشیدین آروادین آپاردی.

ملیک جمشید بیر موددتدن سوْنرا دوردو دئدی: بس منیم آروادیم هاردا؟

دئدیلر اوچ ساققاللی کؤسسه گلدی آپاردی.

یوْلا دوشدو بیر موددت یوْل گئتدی. بؤیوک باجیسی‌نین ائوینه یئتیشدی. باجیسی دئدی بورا نییه گلیبسن ایندی دئو گلر سنی اؤلدورر. بیر ویرد اوْخودو اوْنو شوکولات ائیله‌دی قوْیدو جیبینه. دئو گلدی دئدی «آدام، آدام‌زاد ایییسی گلیر، شاققیلی بادام‌زاد ایییسی گلیر». آروادی دئدی: یئمیشسن دیشین دیبیندن گلیر.

دئو ناراحات اوْلدو دئدی: دئییرسن یا اؤلدوروم؟

دئدی: یوْخ وورما قارداشیمدی.

بیر ویرد اوْخودو قارداشی بؤیودو. دئو دئدی: ایشین نه‌دی؟ دئدی: «اوچ ساققاللی کؤسسه» آروادیمی آپاریب.

دئو دئدی: کاش تئز دئیه‌یدین دای منیم ماحالیمدان چیخیب گئدیب. هئچ زاد ائله‌مک اوْلماز.

یوْلا دوشدو گلدی آرا باجی‌سینین ائوینه. باجیسی‌نین اری دئدی: کاش تئر گله‌یدین اوْ منیم ماحالیمدان چیخیب گئدیب. دای هئچ زاد ائله‌یه بیلمم.

اوْردان دا یوْلا دوشدو گئتدی کیچیک باجیسی‌نین ارینین یانینا. اوْ دا دئدی: بوردان گئدیب آمما سن گئت بیر آز پامبیق، بیر آز کیشمیش آل آپار آت دریایا سو آتی‌لاری اوچون. اوْنلارین آناسی گلر سنه دئیر نه ایشین وار. اوْندا دئیه‌رسن بو جور. اوْ سنه اوچ ساققاللی کؤسسه‌نین یئرین دئیر.

ملیک جمشید گلدی بیر آز پامبیق، بیر آز کیشمیش آلدی گتیردی آتدی دریایا. آتلارین آناسی گلدی دئدی: ایشین نه‌دی؟

دئدی: اوچ ساققاللی کؤسسه‌نین یئرین منه دئیین.

کؤسسه‌نین یئرین دئدی. بیر دنه ده قیلینج وئردی. دئدی: سنین قیلینجین اوْنو اؤلدورمز بو قیلینج ایله اؤلدور.

قیلینجی آلیب یوْلا دوشدو. بیر موددت یوْل گلدی کؤسسه‌نین ائوینه یئتیشدی. چیخدی باجادان باخدی. گؤردو آروادی‌نین دیزی اوستونده یاتیب، یامان ناراحات اوْلدو. اندی گلدی آشاغی آت وئرن قیلینج ایله ووردو کؤسسه‌نی اؤلدوردو. آروادین گؤتوروب گلدی. هر باجیسی‌نین ائوینده بیر قده‌ر قالدی. آخیردا گلدی اؤز شهرلرینده قارداشلاری‌نین یانینا.

ناغیل دئیه‌ن : حسین کریمی  زنجان- چیلاندار کندی -40 یاشلی- ساواد: قوران اوْخوماق

ثبت ائدن : رضاعلی کریمی

یئر: زنجان- چیلاندار کندی




برچسب ها: ناغیل، تورکجه داستان، داستان ترکی، آتا بابا ناغیل لاری، نغیل، تورکو داستان، تورکی داستان، تورکی ناغیل، تورکو ناغیل،
درباره وبلاگ
بو منیم وطنیم، بو منیم ائلیم
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطن­دیر بیر آن آتمارام
آنامین قانی­دیر آخان قولومدا
دؤیوشه گئده­ رم وطن یولوندا
قوربان­دیر بو خالقا بو یوردا جانیم
باشی اوجا یاشاسین آذربایجانیم
...........................................
West Azerbaijan province in northwestern Iran
And the second largest province, that their language is Turkish
...........................................
HE WHO CALL HIMSELF A TURK
موضوعات
آخرین مطالب
نویسندگان
آرشیو مطالب
پیوند ها
پیوندهای روزانه
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
كل مطالب : عدد
آخرین بازدید :
آخرین بروز رسانی :
. . ... .......... .. .. Yahoo bot last visit powered by MyPagerank.Net.. ..free counters ... Share .... ..




..Future Google PR for canimurmia.mihanblog.com - 3.42




تمام حقوق این وبلاگ و مطالب آن متعلق به صاحب آن می باشد.

ابزار وبمستر

عکس

دانلود

خرید vpn

قالب وبلاگ

..

آپلود عكس

آپلود عكس

.. Related Posts Plugin for WordPress, Blogger... ..
شبکه اجتماعی فارسی کلوب | Buy Website Traffic